Hoxe é 26 de xuño e o blog case queda sen actualizar!Non se dá feito!
Facendo un percorrido por el,mestúranse moitas sensacións.
A estas alturas de curso,despois de exames,avaliacións,viaxes..., o cansanzo está moi presente e non sei se o traballo feito deixará algunha pegada nestes rapaces e rapazas, se esas tertulias dos libros,esas emocións compatidas serán lembradas con cariño ou non.Espero que si.
A frustración e satisfación van da man,pero desexo que non me falte a ilusión,que moitas veces perdo,para poder seguir.Isto non é nada para o que require a lectura,pero confórmome que aqueles que nunca lles gustou ler empecen e os que len, maduren na súa andaina lectora.Só que o consiga con algún xa me dou por satisfeita.
Evidentemente,agradecer a todos e todas os que aportan a súa axuda para que funcione,sen eles non sería posible,sobre todo,ás miñas compañeiras Sonia e Conchi.Grazas tamén ás nais que viñeron correndo para poder estar un luns a mediodía,a Jose e ,ante todo, aos meus alumnos e alumnas que moitas veces andan polos corredores buscándome para a reunión:"Profe, temos o club!".Nese momento é cando digo que merece a pena:estanme buscando para ler e falar de libros!
Deséxovos a todos e todas un FELIZ VERÁN e como vos digo sempre:
NON ESQUEZADES LEVAR UN LIBRO NA MOCHILA!!!!